لوی درستیز او د دفاع وزارت لومړی مرستیال وټاکل شول
تاند- د افغانستان حکومت ولسي جرګې ته د دفاع د وزیر په توګه د محمد معصوم ستانکزي د معرفي کولو ترڅنګ د دفاع مرستیال وزیر او لوی درستیز هم اعلان کړل.
جنرال قدم شاه شاهین لوی درستیز او ډګر جنرال عبدالخالق د دفاع وزارت لومړی مرستیال ټاکل شوي دي.
جنرال قدم شاه تر دې پخوا په کابل کې د افغانستان د ملي اردو د ۱۱۱ فرقې قومندان و.
ولسمشر غني د پنجشنبې په ورځ معصوم ستانکزی د دفاع وزیر په توګه ونوماوه او پرون یې ولسي جرګې ته د اعتماد رایې د ورکولو لپاره معرفي کړ.
د ولسي جرګې له لوري د دفاع وزیر د تایید په صورت کې به د افغانستان کابینه له اوږده ځنډه وروسته بشپړه شي.
نظرات بسته شده است.