ولسمشر د حکومت د ټولو زندانونو د مدیریت لپاره یوه خپلواکه اداره رامنځته کوي
تاند، جمعه، د دلوې ۴مه: د ولسمشر محمد اشرف غني د نوي فرمان پر اساس، د ټولو زندانونو او توقیف مرکزونو کې د ۳۰ زره بندیانو مدیریت یوې غیر نظامي خپلواکې دفتر ته سپارل کېږي.
د ښاغلي غني فرمان کې راغلي دا پریکړه چې د قانون حاکمیت ، د مجرمینو اصلاح او د بندیانو د ستونزو حل، د زندانونو د پرسونل د مسلکي ظرفیت لوړولو لپاره شوې.
د فرمان له مخې به ټول زندانونه له دې وروسته د نظامي څخه ملکي سکتور او یوې خپلواکې ادارې ته ولیږدول شي.
په دې فرمان کې د مالیې وزارت څخه هم غوښتنه شوې چې د زندانونو ټوله بودیجه له اوسنيو ریاستونو څخه نوې تشکیلیدونکې څانګې ته وسپاري.
په افغانستان کې د زندانونو او توقیف مرکزونه اوس د کورنیو چارو، دفاع ، عدلیې وزارتونو او ملي امنیت ریاست لخوا اداره کیږي.
په دغو ټولو زندانونو کې اوس مهال ۳۰ زره بندیان ساتل کېږي.
نظرات بسته شده است.