د پاکستان پوځ د خپلو ۲ پوځیانو پر وژل کېدو او د ۵ نورو پر ژوبلېدو اعتراف وکړ
د پاکستان د پوځ ویندوی وايي چې لږترلږه ۲ پوځیان یې وژل شوي او ۵ نور ژوبل دي.
د پوځ ویندوی دغه راز ادعا کړې چې د دوی ځواکونه د معمول په شان ګزمه کوله چې د افغانستان د خوست له ولایت څخه پرې حمله وشوه.
د پاکستان د پوځ په خبرپاڼه کې همداراز ویل شوي چې پاکستاني پوځیانو د افغان لوري د ډزو ځواب ونه وایه«د پاکستان پوځیانو له نهايي زغمه کار واخیست چې افغان ملکیانو ته مرګ ژوبله وانړوي خو پوځ هڅه کوي چې وضعیت بدل کړي.»
له بلې خوا د خوست د والي ویندوی بصیرخان رسنیو ته ویلي چې د دوی د لومړنیو معلوماتو له مخې، درې پاکستاني پوځیان وژل شوي او یو ټپي شوی دی.
بصیر خان وايي چې نښته هغه مهال پیل شوه چې پاکستاني پوځیانو هڅه وکړه چې په ځاځي میدان ولسوالي کې د افغان سرحدي پولیسو یوه پوسته ونیسي خو د افغان ځواکونو او د سیمې د خلکو له غبرګون سره مخامخ شول.
نظرات بسته شده است.