د ناټو ځواکونو عمومي قوماندان: ۲۰۱۹ به د افغانستان لپاره په زړه پورې کال وي
دآزادی راډیو
په افغانستان کې د ناټو ځواکونو عمومي قوماندان ویلي، ۲۰۱۹ میلادي کال به د افغانستان لپاره یو په زړه پورې کال وي.
جنرال سکاټ مېلر نن کابل ته نېږدې په یوه پوځي اډه کې هغو مواردو ته اشاره کړې چې دا مهال د افغانستان د سولې په اړه روان دي.
نوموړي وویل:
جنرال سکاټ مېلر: ۲۰۱۹ به د افغانستان لپاره یو په زړه پورې کال وي
“په څو پایتختونو کې پر پالېسیو غور کېږي، د سولې خبرو لپاره هڅې روانې دي، د سیمې لوبغاړي پر سوله ټینګار کوي، طالبان او افغان حکومت د سولې په اړه خبرې کوي.”
په همدې حال کې د ناټو ویاند په کابل کې له نورو امریکایي پوځيانو سره د نوي کال د لمانځلو پر مهال د افغانستان سولې ته هیلهمندي وښوده او ویېویل چې په ۲۰۱۹ میلادي کال کې د افغان سولې لپاره یو ښه فرصت برابر شوی دی چې پهدغه هېواد کې ۴۰ کلنه جګړه پای ته ورسېږي.
د افغانستان د سولې لپاره د امریکا ځانګړي استازي زلمي خلیلزاد تېره میاشت د طالبانو له استازو سره په ابوظبي کې ولیدل او ټاکل شوې ده چې د روانې جنورۍ په میاشت کې د طالبانو استازي د سعودي عربستان په جده ښار کې په یوه ورته غونډه کې برخه واخلي.
نظرات بسته شده است.