کابل کې غبرګو چاودنو مرګ ژوبله اړولې
تاند (شنبه د جوزا ۲۲) د کابل پولیس وايي چې د ښار په لوېدیځه څنډه دشت برچي کې پر دوو ټونس ډوله موټرو چادودنې شوي.
د کورنیو چارو وزارت مرستیال ویاند احمد ضیاء ضیاء ویلي چې دغه چاودنې نن ماسپښین څه کم درې بجې په دیارلسمه او شپږمه امنیتي حوزو کې شوي دي.
د هغه په خبره، د دوی لومړني معلومات ښيي چې په دغو چاودنو کې پنځه ملکیان وژل شوي دي او ښايي د مرګ ژوبلې په شمېر کې زیاتوالی راشي.
تر دا مهاله د دغه چاودنو مسؤلیت کومې وسله والې ډلې نه دی منلی.
دا په روانه میاشت کې په یاده سیمه کې د ملکي وګړو پر موټرو څلورمه چاودنه ده چې رامنځته کیږي.
تر دې مخکې هم په دغه سیمه کې د ملکي خلکو پر کاسټر او ټونس ډوله موټرو چاودنو کې شااوخوا ۲۰ تنه وژل شوي او ګڼ شمېر نور ټپيان شوي و.
نظرات بسته شده است.