په جلال اباد کې تروریستان د سیف دي چلدرن دفتر ته ننوتي

تاند- په جلال اباد کې د سیف دي چلدرن موسسې د دفتر مخته له چاودنې وروسته انتحاریانو ډزې پیل کړې.

د ننګرهار د والي ویندوی عطا الله خوږیاڼی وايي، د حملې هدف سیف دي چلدرن موسسه ده.

دا موسسه له څو لسیزو راهیسې له افغان ماشومانو، په تېره بیا یتیمانو سره مرسته کوي.

د ننګرهار د عامې روغتیا ریاست وايي چې روغتون ته ۱۱ ټپیان وروړل شوي دي.

وسله والو طالبانو چې د شنبې په شپه یې پر انترکانتینینټل هوټل تروریستي برید کړی و، د جلال اباد په نننۍ حمله کې لاس لرل، ردوي.

غالباً به دا برید داعش په نوم ختم شي.

تاند ته رسېدلي راپورونه وايي چې ۳ تروریستان د سیف دي چلدرن دفتر ته ننوتي دي.

رویټرز خبري اژانس بیا وايي چې لومړی د سیف دي چلدرن دفتر مخته لومړی موټر بمي چاودنه شوې ده.