ولسمشر غني بلخ کې له ترورېزم سره په جدي مبارزې ټینګار وکړ
افغان ولسمشر محمد اشرف غني نن په بلخ کې له یو شمېر امنیتي چارواکو او مدني فعالانو سره په کتنه کې له ترورېزم سره په جدي مبارزې ټینګار کړی.
د ولسمشر ویاند هارون چخانسوري نن سهار په بلخ کې د ازادي راډيو خبریال ته ویلي چې ولسمشر غني به نن سېشنبه په بلخ کې د ۲۰۹ شاهین قول اردو له چارواکو سره هم وګوري.
ولسمشر غني تر دې وړاندې په بلخ کې له یو شمېر مدني فعالانو سره هم کتلي دي او دغو مدني فعالانو ازادي راډيو ته ویلي چې ولسمشر غني دوی سره په خبرو کې ژمنه کړې چې افغان حکومت به د ترورېزم په وړاندې جدي مبارزه کوي.
خو ښاغلي غني ویلي چې یو شمېر د سیمې هېوادونه په افغانستان کې د نا امنیو د دوام هڅه کوي.
نظرات بسته شده است.