د پلوشو ژړا
حاجی محمد نوزادی
د پلوشو ژړا
بـــیګاه تروږمۍ له ســترګو نــم څڅیده
سهـــار د لــمر پــر زړه تـورتم څڅـیده
رویـبار کاغذ په اوښکو لوند چي راوړ
پــــر لـــروبـــر باران د غـــم څـڅــیده
د وصالــونــو خــیال په رود لاهــو سو
چــــــي لــه نظــــره د صنــم څـڅـــیده
دود په یی ســتا پر کور هـم وڅڅـیږی
اور چي یې زما پر کور هر دم څڅیده
ســـــانــده مي تــا خــوږه سـنـدره بلـل
لـــکــــه نغـــــمه پـــه تــرنــم څڅــیده
د پـــــلوشــــو ژړا مــي هــــم ولـیــده
د لـــمر لــه وړانــګو نه شــبنم څڅیده
تــا تـر چــرګـبانګـه سر پر سر اړول
زمـــا لــــه لــیــمو تر صبحدم څڅیده
دنـــیــا مي ولـــیـد د رنګــونـو بـازار
د زمـــانــې پـــر لــمـن ســم څڅــیده
نــوزادي اه د عـرش تر غوږ ورسید
کــــه یې کـــوکـــاره لـه قـلم څڅـیده
ډنمارک ـ ۷ / ۷ / ۲۰۱۳
نظرات بسته شده است.