راز او نیاز

 

 

 

 

  پوهنمل حاجی محمد نوزادی
راز او نیاز
 
دقسمتونو ربه ،
د ازلو کاتبه !
چی تا  سوګند اخیستی ،
ډیر دی څرګند اخیستی .
یو دی قسم اخیستی ،
تا په قلم اخیستی .
راته په هغه قلم ،
یواربیا وخوره قسم .
دتندی توری کرښی ،
می نور زغملای نشم .
هیڅوک می نشته دلته ،
چاته ژړلای نشم .
پر دغو تورو کرښو ،
په تقدس د قلم ،
یواری بیا له سره ،
راته وطن ولیکه .
سپیرو ډاګو کی هلته ،
راته مدفن ولیکه .
یا غیرت راکړه ربه !
چی سر له غره ووهم .
یا خو فرهاد غوندی شم ،
پر سر تیشه ووهم .
                 ډنمارک ـ جون ۲۰۱۱  کال 
خواندن 585 دفعه

شما همچنین ممکن است مانند بیشتر از نویسنده

نظرات بسته شده است.