سره صلیب: افغانستان تر لوږې هم د نقدو پیسو له نشتوالي ډېر ځوریږي
تاند:( شنبه، د عقرب نهه ویشتمه) په افغانستان کې د نړیوال سره صلیب ادارې رئیس پیتر مورر وایي، چې افغانستان کې د لوږې له بحران څخه هم د نقدو پیسو نشتوالی جدي بحران دی.
نوموړي په یوه مرکه کې ویلي، چې دوی تر خپله وسه نقد ډالر افغانستان ته په کڅوړو کې لېږدوي او د خپلو اړوندو کارکوونکو معاشونه پرې ورکوي، خو ډېر نور افغانان د معاشونو د نه ترلاسه کولو له کبله بد وضعیت سره مخامخ دي.
ویل شوي، چې د پیسو د نشتوالي ستونزه تر ډېره د افغانستان د بانکي سیستم له فلج کیدو او د بانکي سیستم فلج کیدل د افغانستان د بانکي زېرمو له کنګل کیدو سرچینه اخلي.
اټکل کیږي، چې د بانکي زېرمو دغه کنګل کیدل او د طالبانو واکمنیدو د افغانستان اقتصاد ۴۰ سلنه را غورځولی دی.
طالبانو له امریکا متحده ایالاتو غوښتي، چې کنګل کړې بانکي زېرمې دوی ته وسپاري.
د افغانستان د کورنیو چارو پخواني وزیر علي احمد جلالي بیا ویلي، چې طالبان د افغانانانو استازي نه دي او حق نه لري، چې په زوره د ترلاسه کړي واک د حاکمیت لپاره د افغانانو پیسې له امریکا ترلاسه او په نامسوولانه او نا مشروع ډول مصرف کړي.
د افغانستان لپاره د امریکا متحده ایالاتو د بهرنیو چارو وزارت ځانګړي استازي ټام ویسټ ویلي، چې دوی به تر هغې طالبانو ته د کنګل شوې بانکي زېرمې د استفادې فرصت ورنه کړي، څو ټول شموله حکومت جوړ او دغه راز د بشري او ښځینه حقونو د تامین او ترهګرو ډلو سره د مبارزې په اړه نړیوالو ته ضمانت ورنه کړي.
تاند:( شنبه، د عقرب نهه ویشتمه) په افغانستان کې د نړیوال سره صلیب ادارې رئیس پیتر مورر وایي، چې افغانستان کې د لوږې له بحران څخه هم د نقدو پیسو نشتوالی جدي بحران دی.
نوموړي په یوه مرکه کې ویلي، چې دوی تر خپله وسه نقد ډالر افغانستان ته په کڅوړو کې لېږدوي او د خپلو اړوندو کارکوونکو معاشونه پرې ورکوي، خو ډېر نور افغانان د معاشونو د نه ترلاسه کولو له کبله بد وضعیت سره مخامخ دي.
ویل شوي، چې د پیسو د نشتوالي ستونزه تر ډېره د افغانستان د بانکي سیستم له فلج کیدو او د بانکي سیستم فلج کیدل د افغانستان د بانکي زېرمو له کنګل کیدو سرچینه اخلي.
اټکل کیږي، چې د بانکي زېرمو دغه کنګل کیدل او د طالبانو واکمنیدو د افغانستان اقتصاد ۴۰ سلنه را غورځولی دی.
طالبانو له امریکا متحده ایالاتو غوښتي، چې کنګل کړې بانکي زېرمې دوی ته وسپاري.
د افغانستان د کورنیو چارو پخواني وزیر علي احمد جلالي بیا ویلي، چې طالبان د افغانانانو استازي نه دي او حق نه لري، چې په زوره د ترلاسه کړي واک د حاکمیت لپاره د افغانانو پیسې له امریکا ترلاسه او په نامسوولانه او نا مشروع ډول مصرف کړي.
د افغانستان لپاره د امریکا متحده ایالاتو د بهرنیو چارو وزارت ځانګړي استازي ټام ویسټ ویلي، چې دوی به تر هغې طالبانو ته د کنګل شوې بانکي زېرمې د استفادې فرصت ورنه کړي، څو ټول شموله حکومت جوړ او دغه راز د بشري او ښځینه حقونو د تامین او ترهګرو ډلو سره د مبارزې په اړه نړیوالو ته ضمانت ورنه کړي.
نظرات بسته شده است.