دعلمی کنفرانس خبرتيا اوبلنليک

 

 

سويډن / مالمو

د۲۰۱۵ زېږدکال داگست ۲۰ 

دعلمی کنفرانس خبرتيا اوبلنليک

 

په سويډن کې ددوستۍ فرهنگی ټولنه داکتوبر پر دريمه  دسويډن دمالمو په ښارکي  «د  ډله ايزو رسنيو او فرهنگی ټولنوگډ رسالت » ترنامه لاندی علمی کنفرانس جوړ کړي .

پدې کنفرانس کښي دگډون لپاره تاسو وياړلوهيوادوالو،پوهانو،دغښتلي قلم اوپوهی خاوندانودډله ايزورسنيو اوفرهنگی ټولنواستازوته دگډون بلنه ورکوو.

په سويډن کې ددوستۍ  فرهنگي ټولنه  د هېواد اوسنيو حالاتو اوناخوالو ته په کتوسره ، چې هر چيري زموږ ولس دهغه دناخبری اونالوستوب له امله غولېږي اودهيواد دکورنيو اوبهرنيو دښمنانو لخوا یې پر پاکو اوسپېڅلو مذهبی ،انسانی او ملی احساساتو دخپلوناروا موخو لپاره سوداگری کېږي چې پايله یې دافغان کور دافغان پوسېله ورانېږ ي ،غواړی دنورو فرهنگی ټولنو ،سياسی اوټولنيزو سازمانو اومدنی ټولنو په مرسته دسويډن دمالمو په ښارکي  دملي هوښياری اوبيداري لپاره ((دډله ايزو رسنيواوفرهنگی ټولنورسالت  )) ترنامه  لاندي دغه  نړيوال کنفراس را ولی .

موږ پدې باوريوکه ډله ايزي رسنی  خپل رسالت دولسونونود پوهاوی اوفرهنگی  ټولنې هر چيري چي شتون لری ځان دولس اوخپلو غړو دپوهاوی لپاره ژمن معرفی کوی   ،نو اړينه ده چې  ددې ملي اوفرهنگی کار اوزيار دسمون ملی ،انسانی لوری دپيدا کېدسوله پاره په خپلو کي سره جرگه سو .

ددې کنفرانس دجوړېدونه زموږ موخه داده  چي زموږ په هيواد کي  دننه اوله هيوادنه بهر فرهنگی ټولنې  اوډله ايزي رسنی  پر ملی او انسانی ارزښتونو اوددوي ترمنځ دولسونود هراړخيزی پوهاوی لپاره دگډکاراوفعاليت پر چارو مفصل علمی بحث وشي ترڅو خپلو تاريخي او انساني مسوليتونوته متوجه  اودواړي غاړی دگډ کار دبهير پيلېدوته وهڅول شي .  

موږ به ډير زيات خوښ سوکه تاسو زموږ سره پدې درنه علمی غونډه کي  فعاله برخه واخلی .

زموږ ټولنه  پدې انسانی کارکښي دهرفرد ،هرې ټولنې اوسازمان  بې غرضه مرستې دمننې په څرگندولوسره مني .

درنو دوستانو !

که چيري راتگ مودکودمودلايلو له مخې ناشونۍ وي  هيله مند يو چي ددې  کنفرانس  په ادرس خپلې تحليلی ليکنې ،نظريات  پيغامونه زموږ په  لاندي برېښنا پتو  راولېږی .

داړېکو لپاره دتليفون شمېره :  (0) 736 511 5690046

برېښنا پته   :  ghamkhor@hotmail.com   

ghmkhor@gmail.com                    

وخت : دکنفرانس رسمی پيل دورځې يوه بجه دوستان کولاي شي يوساعت وړاند تشريف راوړي .

دکنفرانس پته : 

د کروکسبېک ښوونځي د کنفرانس تالار   :   Kroksbäckskolan , Informationsalen

دناويگاشون لپاره    Sweden Malmö

Hyllievångsvägen-6

يادونه !

هغه دوستان چې غواړي دکنفرانس پکارکښي خپله اويادليکنې له لاري گډون ولري کولاي سي په خپلو لیکنو کښي لاندی عنوانونه اوياد کنفرانس دمحتوا مربوط په خپله خوښه کوم عنوان ځانته وټاکي : 

۱/ دافغانی ټولنې دپوهاوی لپاره د ډله ايزو رسنيو او فرهنگی ټولنو دگډوهڅو اړتيا .

۲/ دولسونودبيداری لپاره  دډله ايزو رسنيو اوفرهنگی ټولنودگډکار ارزښت  . 

۳/ د ډله ايزو رسنيو او فرهنگی ټولنوگډکارولسونوبيداره وی .

۴/ فرهنگی ټولنې او ډله ايزي رسنۍ دهراړخيزي  پوهاوی اوخبرتيا ستر انسانی مسوليت پر غاړه لري .

۵/  دډله ايزو رسنيو اوفرهنگی ټولنوگډکار ولسونو بيداروی .

۶/ د ډله ايزو رسنيو او فرهنگی ټولنوگډ رسالت . 

په سويډن کې ددوستۍ فرهنگی ټولنې مشرتابه جرگه