کابل کې د علیپور پر ضد لاریون وشو
تاند (دوشنبه د حمل ۱۶مه) نن په کابل ښار کې سلګونه کسانو د غیر مسؤوله وسله وال عبدالغني علیپور پر ضد لاریون وکړ.
لاریون کوونکو غوښتنه کوله، چې په میدان وردګو ولایت کې د ملي اردو د څرخې الوتکې د غورځېدو او څو پوځیانو د وژلو له امله باید د غیر مسؤوله وسله والو قومندان، علیپور ونیول شي او قانوني چلند ورسره وشي.
شاوخوا درې اونۍ وړاندې، د ملي اردو یوه څرخي الوتکه، د میدان وردګو ولایت په بهسودو ولسوالي کې په راکټ وویشتل شوه، چې پړه یې علیپور په غاړه واخیسته.
په یاده پېښه کې د الوتکې ۴ تنه عمله او ۵ سرتیري ووژل شول.
له یادې پېښې سره سم په کور دننه او بهر د خلکو غبرکونونه راپورته شول، چې افغان حکومت په یاد ولایت کې د ګډو ځواکونو په مټ د علیپور پر ضد عملیات پیل کړل.
که څه هم په عملیاتو کې د نوموړي ګڼ شمېر کسانو ووژل شول او څه یې ژوندي ونیول شول، خو د چارواکو په خبره، چې علیپور له سیمې تښتېدلی و.
نظرات بسته شده است.