په کندهار کې پر ډیورند کرښه د افغان او پاکستاني پوځیانو ترمنځ جګړه نښتې
تاند- راپورونه وايي چې افغان او پاکستاني سرحدي ځواکونو پر دیورند کرښه د ازغن سیم د نصبولو پر سر نښته کړې ده.
له سپین بولدک څخه د رارسېدلیو راپورونو له مخې، په په ښورابک ولسوالي کې افغان سرحدي پولیسو او د کندهار امنیه قوماندان جنرال عبدالرازق تایید کړه چې د دواړو خواوو ترمنځ (د دې خبر د خپرېدو تر شېبې پورې) جګړه روانه ده.
قوماندان عبدالرازق وايي چې جګړه د کندهار ولایت د ښورابک ولسوالي په سرو سهانو سیمه کې نښتې ده.
پاکستان تېر کال د ډیورند کرښې په اوږدو کې د دواړو خواوو د قومونو د بېلولو لپاره د کټارو او ازغن سیم د درولو کار پیل کړ، په ډېرو سیمو کې یې خپل پلان عملی کړ خو په ځینو برخو کې پر دیورند کرښه د پرتو قومونو له مقاومت سره مخامخ شو.
تراوسه پورې د دې مسلې پر سر د افغانستان او پاکستان د سرحدي ځواکونو ترمنځ هم په ځلونو نښتې شوي دي.
په ځینو سیمو کې پاکستان خپلې پوستې او ازغن سیم تر صفري نقطې دې خوا د افغانستان په خاوره کې تېر کړی دی.
نظرات بسته شده است.