سید وحید قتالي: د هرات ګمرک ۹۰ سلنه عواید د مافیايي کړیو لاس ته ورځي
تاند (یکشنبه، د سرطان ۱۵) د هرات – اسلام قلعه ګمرک عایدات د زورواکو او مافیایي ډلو لاس ته ورځي
د هرات الي سید وحید قتالي وايي، چې د هرات – اسلام قلعه ګمرک ۹۰ سلنه عایدات شخصي جیبونو ته ځي.
قتالي وايي چې ددغه بندر لسګونه میلیونه افغانۍ کابل، هرات او په دغه ګمرک کې دننه د مافیايي کړیو او او زورواکو جیبونو ته ځي او له هرې جوپې څخه چې درې میلیونه افغانۍ کېږي یواځې پنځوس زره یې دافغان دولت خزانې ته تحویلیږي.
د ښاغلي قتالي په خبره، اوسمهال په دغه ولایت کې په لسګونه موټر د امنیتي ځواکونو له لوري درول شوي چې یو یې هم ګمرک شوی نه دی، چې دا کار په یاد ګمرک کې د پراخ فساد څرګندونه کوي.
د هرات والي داسې مهال دغه څرګندونې کوي چې د ولسي جرګې له لوري ددې ولایت د ګمرک رئیس ته تقدیر نامه ورکړل شوې چې دې کار د خلکو غبرګونونه راپارولي.
د هرات ولایت د ګمرک رئیس د وحید قتالي خبرې ردوي او وايي چې د پخوا په پرتله ددغه ګمرک عواید زیات شوي او په له ۳۰ میلیونه افغانیو ۱۰۰ میلیونه افغانیو ته رسیدلي دي.
نظرات بسته شده است.