د م.م. سرمنشي: د افغان ښځو د بې درکۍ دوام ته اندېښمن یم
تاند: ( پنجشنبه ، د دلوې يوويشتمه) د ملګرو ملتونو سرمنشي آنتونيو ګوترش په يوه تازه ټویټ کې د افغان ښځينه معترضانو د نادرکۍ په دوام انديښنه څرګنده کړې ده.
نوموړي ويلي، چې په دې برخه کې زياتې شوې ستونزې د جدي اندیښنې وړ دي.
د ګوترش په خبره، په کابل کې د څو ښځینه معترضانو د نیول کیدو او نادرکۍ اوونۍ کیږي، خو لا یې د وضعیت په اړه معلومات نشته.
سرمنشي ټینګار کړی، چې په کابل کې بايد د ښځينه معترضانو امنيت خوندي او بندي شوې او نادرکه شوې معترضانې باید په خوندي توګه خپلو کورونو ته واستول شي.
پرون په افغانستان کې د ملګرو ملتونو د سرمنشي ځانګړې استازې مېرمن ديبورا لاينز وويل، چې د طالبانو د بهرنيو چارو وزير مولوي امیر خان متقي سره یې له کابل څخه د نيول شويو او نادرکه شویو ښځينه معترضانو د وضعیت په اړه خپلې اندیښنې شریکې کړي دي.
نظرات بسته شده است.