تاجیکستان: حکومت انحصاری طالبان را به رسمیت نمی‌شناسیم
صدای المان
امام علی رحمان، رئیس جمهور تاجیکستان روز سه شنبه طالبان را متهم کرد که به عهد شان برای تشکیل یک حکومت همه شمول عمل نمی‌کنند.
امام علی رحمان که حکومتش روابط نزدیک با روسیه دارد، این اظهارات را در دیدار با شاه محمود قریشی، وزیر خارجه پاکستان بیان کرد. قریشی زمانی به آسیای میانه سفر کرده است که بعد از تصرف قدرت توسط طالبان، وضعیت آینده سیاسی افغانستان در سایه‌ای از ابهام قرار گرفته است.
دفتر رئیس جمهور امام علی رحمان در یک بیانیه گفته است: «واقعیت‌ها آشکارا نشان می‌دهند طالبان به عملی کردن وعده‌های قبلی شان دال بر تشکیل یک حکومت موقت با مشارکت وسیع همه نیروهای سیاسی دیگر در کشور پابند نمی‌باشند و در حال آمادگی برای برقراری امارت اسلامی هستند.»
تمرینات نظامی مشترک تاجیکستان و روسیه، در ماه جولای در مرز با افغانستان
در این بیانیه تأکید شده است: «تاجیکستان هیچ حکومت دیگری را که از طریق سرکوب و بدون در نظرداشت مواضع همه جوانب افغانستان به خصوص اقلیت‌های قومی این کشور شکل بگیرد، به رسمیت نمی‌شناسد.»
تاجیکستان که با افغانستان هم مرز است، یک قرارگاه نظامی روسیه را در مرزش با افغانستان جا داده است و یکی از اعضای بلوک امنیتی به رهبری مسکو می‌باشد.
نظرات بسته شده است.